Իսրայելի վարչապետ Բենիամին Նեթանյահուն իսրայելական Փեսախ տոնի հետ կապված հայտարարել է երկրում ապրիլի 7-10-ը համընդհանուր կարանտինային ռեժիմ սահմանելու մասին։ Այս տոնն Իսրայելում նշում են մի ամբողջ շաբաթ (այս տարի` ապրիլի 8-15-ը): Այս մասին իսրայելական աղբյուրը։
«Մենք տեսանք, թե ինչ տեղի ունեցավ մեկ ամիս առաջ: Պուրիմի (հրեական տոն) ժամանակ համավարակի բռնկում տեղի ունեցավ: Ես կրկնում եմ, որ Փեսախը Պուրիմի չի վերածվի: Դուք պետք է նշեք տոնը միայն նրանց հետ, ում հետ գտնվում եք տանը»,-ընդգծել է Նեթանյահուն:
Նեթանյահուն նաև նշել է, որ կառավարությունը քննարկում է երկրում ապրիլի 8-ի ժամը 18:00-ից մինչև ապրիլի 9-ի ժամը 07:00-ն պարետային ժամ հայտարարելու հարցը: Նրա խոսքով՝ Փեսախից հետո Իսրայելում կարող են սկսել աստիճանաբար չեղարկել սահմանափակումները: Այժմ Իսրայելի վարչապետի նշած քայլերը պետք է հաստատվեն կառավարության կողմից:
Հետևեք մեզ տելեգրամում
