Պետքարտուղարությունում կարծում է, որ ԱՄՆ-ը պետք է դադարեցնի զենքի մատակարարումը Իսրայելին

Պետքարտուղարության շատ պաշտոնյաներ կարծում են, որ Իսրայելը չի ​​կատարել Գազայի հատվածում հումանիտար իրավիճակի բարելավման պահանջները, և այդ պատճառով Վաշինգտոնը պետք է կրճատի Իսրայելին տրամադրվող ռազմական օգնության չափը։ Այս մասին հայտնում է Axios պորտալը՝ հղում անելով աղբյուրներին։

Նրանց փոխանցմամբ, վերջին մի քանի օրերին Պետքարտուղարության ներսում ներքին բախումներ են սկսվել Իսրայելին օգնություն տրամադրելու հարցի շուրջ։ Ըստ Պետքարտուղարության շատ պաշտոնյաների՝ Իսրայելը նշանակալի քայլեր չի ձեռնարկել, և պնդել են, որ պետքարտուղար Էնթոնի Բլինքենը ու նրա մերձավոր օգնականները դադարեցնեն Իսրայելին ցուցաբերվող ռազմական օգնության առնվազն մի մասը։

Միևնույն ժամանակ, ըստ պետքարտուղարի որոշ խորհրդականների, ինչպես նաև Սպիտակ տան բարձրաստիճան պաշտոնյաների՝ ԱՄՆ-ի վերջնագիրն իր ազդեցությունն ունեցել է, և Իսրայելին ստիպել է փոխել ուղղությունը։ Նրանք պնդել են, որ «զենքի մատակարարումը դադարեցնելու փոխարեն պետք է շարունակել ճնշում գործադրել Իսրայելի վրալ»։