Թուրքիայի ազգային պաշտպանության նախարար Յաշար Գյուլերը կարծում է, որ ԱՄՆ նորընտիր նախագահ Դոնալդ Թրամփը պաշտոնը ստանձնելուց հետո կարող է սկսել ամերիկյան զորքերի դուրսբերումը Սիրիայից։
«Թրամփը իր նախորդ նախագահական ժամկետի ընթացքում 3 անգամ հրամայել էր ամերիկացի զինվորականներին դուրս բերել Սիրիայից։ Սակայն հետո այդ որոշումները համընկնում են նախընտրական իրադարձությունների հետ, և հարցը լուծում չի ստանում։ Կարծում եմ, որ Թրամփը հիմա մեծապես կկենտրոնանա այս թեմայի վրա։ Ես հավատում եմ, որ նա կարող է ամերիկացի զինվորներին դուրս բերել Սիրիայից և տարածաշրջանից»,- ասել է Գյուլերը։
Պատասխանելով F-16 կործանիչների գնման և F-35 խնդրի շուրջ Թրամփի վարչակազմի հետ համագործակցության հեռանկարների մասին հարցին՝ Գյուլերն ասել է, որ այս պահին «ամերիկյան գործընկերների հետ հարաբերությունները շատ դրական են, և հետընթաց չի լինի»։
«Մենք ցանկանում ենք գնել 40 F-16 ինքնաթիռ, ինչպես նաև ձեռք բերել լրացուցիչ 40 Eurofighter Typhoon ինքնաթիռ, որին Գերմանիան երկար ժամանակ դիմադրում էր։ Արդյունքում ՆԱՏՕ-ի մեր ընկերները՝ Անգլիան, Իտալիան, Իսպանիան և Գերմանիան, դրական ներդրում ունեցան այս հարցում, դրական պատասխան տվեցին»,-ավելացրել է թուրք նախարարը։
Հետևեք մեզ տելեգրամում
