Իրանի իշխանությունները մտադիր են շարունակել զարգացնել հարաբերությունները Ռուսաստանի հետ, և երկու երկրների բարձրաստիճան ներկայացուցիչների հանդիպումներն օգնում են փոխգործակցությունը նոր մակարդակի հասցնել։ Այս մասին հայտարարել է Իրանի առաջին փոխնախագահ Մոհամմադ Ռեզա Արեֆը Ռուսաստանի Դաշնության էներգետիկայի նախարար Սերգեյ Ցիվիլևի հետ հանդիպմանը։
«Ռուսաստանի հետ հարաբերությունները զարգացնելու Իրանի մտադրությունը միշտ ամենաբարձր մակարդակի վրա է, Իրանը մեծ կարևորություն է տալիս ՌԴ-ի հետ երկարաժամկետ և համապարփակ համագործակցության կառուցմանը»,-ասել է փոխնախագահը:
Նրա խոսքով, տնտեսական ոլորտում երկկողմ հարաբերությունների հետագա ամրապնդման հսկայական ներուժ կա, որը պետք է օգտագործվի, այդ թվում՝ Իրանի և Ռուսաստանի միջև ապրանքաշրջանառությունը մեծացնելու համար։
Հետևեք մեզ տելեգրամում
