Սիրիայի նոր իշխանությունների առաջնորդի առաջին արտասահմանյան այցը Թուրքիա կլինի

Սիրիայի նոր իշխանությունների առաջնորդ Ահմեդ ալ-Շարաան իր առաջին արտասահմանյան այցը կկատարի Թուրքիա: Այդ մասին հայտնել է թուրքական իշխանամետ Yeni Şafak թերթը։

Հրապարակման համաձայն՝ այցը պետք է կայանար առաջիկա օրերին, սակայն ծրագրում փոփոխությունների պատճառով հետաձգվել է։ 

Այցի ընթացքում նախատեսվում է ալ-Շարաայի հանդիպումը Թուրքիայի նախագահ Ռեջեփ Թայիփ Էրդողանի հետ։
Yeni Şafak-ը հիշեցնում է, որ Սիրիայում ընդդիմության իշխանության գալուց հետո Դամասկոս այցելած առաջին օտարերկրյա ներկայացուցիչը Թուրքիայի հետախուզական ծառայության ղեկավար Իբրահիմ Քալընն էր։ Նրան հետեւելով Սիրիայի մայրաքաղաք է այցելել նաև Թուրքիայի արտգործնախարար Հաքան Ֆիդանը։