Վրաստանի վարչապետը կայցելի Ադրբեջան

Վրաստանի վարչապետ Իրակլի Կոբախիձեն հունվարի 17-ին կայցելի Ադրբեջան։ Այս մասին հայտնում է Վրաստանի Առաջին ալիքը:

Այցի շրջանակներում Բաքվում տեղի կունենա Վրաստանի և Ադրբեջանի վարչապետների գլխավորությամբ Վրաստան-Ադրբեջան տնտեսական համագործակցության միջկառավարական հանձնաժողովի նիստը։

Հանձնաժողովի նիստին կմասնակցեն երկու երկրների կառավարությունների ներկայացուցիչները։ Նախատեսվում է Վրաստանի վարչապետ Իրակլի Կոբախիձեի առանձին հանդիպումն Իլհամ Ալիևի հետ։

Հանդիպումից հետո կողմերը հանդես կգան լրատվամիջոցների համար համատեղ հայտարարություններով։