Ռուսաստանի և Իրանի միջև Համապարփակ ռազմավարական գործընկերության համաձայնագիրը կսահմանի երկրների միջև փոխգործակցությունը տարբեր ոլորտներում առնվազն 20 տարի: Այս մասին ՏԱՍՍ-ին տված հարցազրույցում ասել է Մոսկվայում Իրանի դեսպան Քազեմ Ջալալին։
«Այս համաձայնագիրը Իրանի և Ռուսաստանի միջև հարաբերությունների իրավական և հայեցակարգային հիմքն է, որը որոշում է երկու երկրների փոխգործակցությունը հարաբերությունների բոլոր ասպեկտներում առնվազն առաջիկա երկու տասնամյակների ընթացքում»,- ասել է նա։
«Ժամանակակից աշխարհում, որն արագորեն զարգանում և նպաստում է երկրների միջև հումանիտար փոխանակություններին և առևտուրին, մենք պետք է հնարավորինս լայն և համապարփակ դարձնենք իրավական դաշտը։ Այս փաստաթուղթն ի վիճակի է լուսաբանելու հարաբերությունների բոլոր ասպեկտները և հիմք ստեղծել տասնյակ այլ իրագործող համաձայնագրերի կնքման համար, հատկապես տնտեսական, առևտրային, էներգետիկ, դրամավարկային, բանկային և ներդրումային ոլորտներում»,-հավելել է դեսպանը` նշելով, որ դա իրականում ճանապարհային քարտեզ է և շարժիչ ուժ հարաբերությունները առաջ տանելու համար։
Հետևեք մեզ տելեգրամում
