Վրաստանի վարչապետ Իրակլի Կոբախիձեն հայտնել է, որ ԱՄՆ նորընտիր նախագահ Դոնալդ Թրամփի երդմնակալությունից հետո պատրաստ են վերականգնել հարաբերությունները Միացյալ Նահանգների հետ։
«Մենք կարող ենք ևս մեկ անգամ արձանագրել մեր պատրաստակամությունն ու ցանկությունը էապես վերագործարկել հարաբերությունները, մաքուր թղթից վերականգնել ԱՄՆ-ի հետ ռազմավարական հարաբերությունները: Հուսով ենք, որ մենք կարևոր հաջողություններ կունենանք այս ուղղությամբ»,-խոսելով առաջիկայում Թրամփի երդմնակալության արարողության մասին կառավարության նիստում ասել է Կոբախիձեն։
Կոբախիձեն նաև նշել է, որ վերջին չորս տարիներն ամբողջ աշխարհում բարդ էր, իսկ Վրաստանում «հեղափոխության չորս փորձ» է եղել։ Վարչապետը հույս է հայտնել, որ առաջիկա չորս տարիները՝ Թրամփի իշխանության օրոք, շատ ավելի հանգիստ կլինեն, ինչը, ըստ նրա, դրական կանդրադառնա նաև Վրաստանի վրա։
«Նախագահ Թրամփն ունի շատ հավակնոտ ծրագիր՝ խորը պետության (deep state) նկատմամբ հաղթանակի ծրագիր, և մենք ցանկանում ենք հաջողություն մաղթել նախագահ Թրամփին այս հարցում: Այս հարցում հաղթանակը վճռորոշ կլինի վրաց-ամերիկյան հարաբերությունների կարգավորման համար»,-հայտարարել է Կոբախիձեն։
Հետևեք մեզ տելեգրամում
