Թուրքիայի Բոլու նահանգի «Kartalkaya» լեռնադահուկային հանգստավայրում գտնվող «Grand Kartal» հյուրանոցում խոշոր հրդեհ է բռնկվել, որը հնարավոր է եղել հանգցնել միայն 10 ժամ հետո։ Այս մասին հայտնում են թուրքական ԶԼՄ-ները:
Թուրքիայի ներքին գործերի նախարար Ա․ Յերլիքայան հայտնել է, որ մահացածների թիվը հասել է 66-ի, վիրավորների թիվը՝ 51-ի։ Իսկ Արդարադատության նախարարը հայտնել է, որ հետաքննություն է սկսվել, որի արդյունքում այս պահին ձերբակալվել է 4 հոգի։
Թուրքական ԶԼՄ-ների փոխանցմամբ՝ Թուրքիային ցավակցել են ԵՄ արտաքին գործերի և անվտանգության քաղաքականության գերագույն ներկայացուցիչ Կ․ Կալլասը, Ղրղզստանի նախագահը, Թուրքիայում գործող դիվանագիտական առաքելությունների ներկայացուցիչները: Ցավակցական հայտարարություն է տարածել Ադրբեջանի ԱԳՆ-ն։
Հետևեք մեզ տելեգրամում
