Սիրիայի անցումային կառավարության արտաքին գործերի նախարար Ասադ Շիբանին «Դավոս 2025» Համաշխարհային տնտեսական ֆորումի շրջանակում հեռուստատեսային զրույց է ունեցել Մեծ Բրիտանիայի նախկին վարչապետ Թոնի Բլեյրի հետ, որի ընթացքում քննարկել են Սիրիան և նրա տնտեսական ապագան։
Շաբանին նշել է, որ Սիրիայի տնտեսությունը բաց է լինելու, աշխատելու են օտարերկրյա ներդրումներ ներգրավելու ուղղությամբ, ինչպես նաև ցանկանում են գործընկերային հարաբերություններ հաստատել ամբողջ աշխարհի երկրների հետ։
«Մենք ժառանգել ենք փլուզված պետություն, բայց մենք ներդրումների մեծ հնարավորություններ ունենք, քանի որ Սիրիան ունի բազմաբնույթ տնտեսություն և կարևոր աշխարհագրական դիրք»,-ասել է Սիրիայի ԱԳ նախարարը՝ հավելելով, որ կառավարության կարևորագույն առաջնահերթություններն են կապի, ճանապարհների, նավահանգիստների, կրթության, առողջապահության և էներգետիկայի ոլորտները։
Շիբանին անդրադարձել է նաև պատժամիջոցների թեմային՝ նշելով, որ պատժամիջոցները Սիրիայի առջև ծառացած ամենակարևոր մարտահրավերն են, երկիրը դրանից շատ է տուժել, իսկ ժողովուրդը չպետք է պատժվի։
Հետևեք մեզ տելեգրամում
