Իսրայելի վարչապետ Բենիամին Նեթանյահուն հայտարարել է, թե Սաուդյան Արաբիան բավականաչափ տարած ունի՝ պաղեստինցիներին պետություն տրամադրելու համար։
«Սաուդցիները կարող են Սաուդյան Արաբիայում պաղեստինյան պետություն ստեղծել. նրանք այնտեղ շատ տարածք ունեն»,- ասել է Նեթանյահուն՝ Channel 14-ի հետ հարցազրույցում:
Անդրադառնալով Սաուդյան Արաբիայի պայմանին, թե միայն Պաղեստին պետության ստեղծման պարագայում հարաբերությունները կկարգավորվեն Իսրայելի և Սաուդյան Արաբիայի միջև՝ Նեթանյահուն շեշտել է, որ «չի գնա այնպիսի համաձայնություն, որը կվտանգի Իսրայել պետությանը»:
«Հոկտեմբերի 7-ից հետո՞: Գիտե՞ք՝ դա ինչ է: Պաղեստին պետություն կար և այն Գազա էր կոչվում: Գազան, ՀԱՄԱՍ-ի գլխավորությամբ, պաղեստինյան պետություն էր, և տեսաք, թե ինչ ստացանք՝ ամենամեծ կոտորածը Հոլոքոստից հետո»,- հայտարարել է Իսրայելի վարչապետը:
Հիշեցնենք, որ Սաուդյան Արաբիան մշտապես հայտարարել է, որ չի կարգավորի հարաբերություններն Իսրայելի հետ, քանի դեռ չի ստեղծվել Պաղեստինյան պետություն:
Հետևեք մեզ տելեգրամում
