Անկարայի քաղաքապետը չի մասնակցի Թուրքիայի առաջիկա նախագահական ընտրություններին

Անկարայի քաղաքապետ Մանսուր Յավաշը հրաժարվել է մասնակցել ներկուսակցական ընտրություններին, որոնցում նախատեսվում էր որոշել Թուրքիայի գլխավոր ընդդիմադիր «‎Ժողովրդահանրապետական ​​կուսակցության»‎ (CHP) թեկնածուին 2028թ-ի նախագահական ընտրություններին։

Այս մասին հայտնում է թուրքական  «‎Haberturk»‎ հեռուստաալիքը։

Յավաշը անցյալ կիրակի կայացած հանդիպման ժամանակ իր որոշման մասին տեղեկացրել էր CHP-ի նախագահ Օզգյուր Օզելին և Ստամբուլի քաղաքապետ Էքրեմ Իմամօղլուն։