ՄԱԿ-ում Իրանի մշտական ներկայացուցիչ Սաիդ Իրավանին Իրանի հասցեին ԱՄՆ նախագահ Դոնալդ Թրամփի հայտարարությունների առնչությամբ նամակ է հղել ՄԱԿ ԱԽ-ին՝ ընդգծելով, որ այդ հայտարարությունները միջազգային իրավունքի և ՄԱԿ-ի կանոնադրության խախտում են, մասնավորապես՝ 2-րդ հոդվածի 4-րդ կետի, որն ուղղակիորեն արգելում է անկախ պետությունների դեմ ուժի սպառնալիքը կամ կիրառումը։
Իրավանին ընդգծել է, որ ՄԱԿ ԱԽ-ն չպետք է լուռ մնա նման հայտարարությունների առնչությամբ: Նա զգուշացրել է, որ Իրանի դեմ ցանկացած ագրեսիա ծանր հետևանքներ է ունենալու, որի պատասխանատվությունը կրելու է ԱՄՆ-ն:
Ավելի վաղ Թրամփը հայտարարել է, որ Իրանի կողմից միջուկային զենքի ձեռքբերումը կանխելու համար երկու ուղի կա՝ կա՛մ ռմբակոծում, կա՛մ համաձայնության ստորագրում:
Հետևեք մեզ տելեգրամում
