ԱՄՆ պետքարտուղար Մարկիո Ռուբիոն փետրվարի 13-18-ը կայցելի Գերմանիա, Իսրայել, Սաուդյան Արաբիա և Արաբական Միացյալ Էմիրություններ, կքննարկի «ՀԱՄԱՍ»-ի կողմից պատանդ պահվողների ազատման, Գազայի հատվածում հրադադարի շուրջ պայմանավորվածությունը և Իրանին հակազդելու հարցը։ Այս մասին ասվում է Պետքարտուղարության մամուլի ծառայության ղեկավար Թեմմի Բրյուսի գրավոր հայտարարության մեջ։
Ըստ հաղորդագրության՝ Ռուբիոն փետրվարի 13-ին կմեկնի Գերմանիա՝ մասնակցելու Մյունխենի անվտանգության համաժողովին և «Մեծ յոթնյակի» երկրների դիվանագիտական առաքելությունների ղեկավարների հանդիպմանը։ Այնուհետ՝ փետրվարի 15-18-ը, կայցելի Իսրայել, Սաուդյան Արաբիա և ԱՄԷ։ Այս երկրներում Ռուբիոն հանդիպումներ կունենա պաշտոնյաների հետ՝ «տարածաշրջանում համագործակցությունն ամրապնդելու, կայունություն ու խաղաղություն ապահովելու համար»։
Հետևեք մեզ տելեգրամում
