Իրանի Իսլամական Հանրապետության նախագահ Մասուդ Փեզեշքիանը Բուշեր նահանգ կատարած այցի ժամանակ հանդիպել է տեղի տնտեսական ակտիվիստների հետ։ Քննարկման ընթացքում անդրադառնալով պատժամիջոցներին դիմակայելու Իրանի հնարավորություններին՝ Փեզեշքիանը նշել է, որ Իրանը ջրային և ցամաքային սահմաններ ունի, որոնց ճիշտ կարգավորման դեպքում հնարավոր է բազմաթիվ խնդիրներ լուծել։
«Մենք շատ հնարավորություններ ունենք: Այնպես չէ, որ եթե Արևմուտքը մեր նկատմամբ պատժամիջոցներ կիրառի, մենք կվերանանք: Հենց այն ջրային ու ցամաքային սահմանները, որ ունենք, եթե դրանք ճիշտ կարգավորվեն, անհրաժեշտ ենթակառուցվածքներն ապահովվեն, կարող են բազմաթիվ տնտեսական խնդիրներ լուծել։ Մեր հարևանները, այդ թվում՝ Պակիստանը, Աֆղանստանը, Թուրքմենստանը, Իրաքը, Թուրքիան և Հայաստանը, բոլորը մեզ համար հնարավորություններ են։ Բավական է ընդլայնել մեր տնտեսական կապերը նրանց հետ»,-ասել է Իրանի նախագահը։
Հետևեք մեզ տելեգրամում
