Վրաստանը սատարում է «Ադրբեջանի հանրապետության ինքնիշխանությանը ու տարածքային ամբողջականությանը»։ Այս մասին տեղեկություն է հրապարակված Վրաստանի արտգործնախարարության կայքէջում։
Արտգործնախարարության գրավոր հաղորդագրության մեջ մասնավորապես նշվում է․ «Վրաստանը չի ճանաչում այսպես կոչված Լեռնային Ղարաբաղի անկախությունը և, հետևաբար, չի ճանաչում Ադրբեջանի Հանրապետության այս շրջանում անցկացվաց այսպես կոչված նախագահական ընտրությունների երկրորդ փուլը: Վրաստանը սատարում է Ադրբեջանի հանրապետության ինքնիշխանությանը ու տարածքային ամբողջականությունը միջազգայնորեն ճանաչված սահմաններում, ինչպես նաև աջակցում է հակամարտության խաղաղ ճանապարհով կարգավորմանը միջազգային իրավունքի նորմերին և սկզբունքներին համապատասխան»:
Նշենք, որ ապրիլի 1-ին Վրաստանի արտգործնախարարը կրկին հայտարարել էր․«Վրաստանի արտաքին գործերի նախարարությունը վերահաստատում է իր աջակցությունը Ադրբեջանի ինքնիշխանությանը և տարածքային ամբողջականությանը և չի ճանաչում այսպես կոչված խորհրդարանական և նախագահական ընտրությունները, որ Լեռնային Ղարաբաղում անցկացվեցին մարտի 31-ին»:
Հետևեք մեզ տելեգրամում
