Իրանը 2027-2028 թվականներին կստանձնի Ասիական վեհաժողովի նախագահությունը։ Այս մասին X-ի իր միկրոբլոգում գրել է Իրանի արտաքին գործերի նախարարի իրավական և միջազգային հարցերով տեղակալ Քազեմ Ղարիբաբադին:
Նրա խոսքով՝ 2025 և 2026 թվականներին Իրանում կանցկացվեն վեհաժողովի մշտական քաղաքական կոմիտեի և մշտական տնտեսական ու կայուն զարգացման կոմիտեի նիստերը։
Նշվել է նաև, որ այս տարի Բաքվում կայացած վեհաժողովին մասնակցել է Իրանի խորհրդարանի նախագահ Ղալիբաֆը: Ղալիբաֆը վերահաստատել է, որ հարևան երկրների, այդ թվում՝ Ադրբեջանի հետ հարաբերությունների զարգացումն Իրանի 14-րդ կառավարության անփոփոխ քաղաքականությունն է:
Հետևեք մեզ տելեգրամում
