Իրանի առողջապահության նախարարության հաղորդած տվյալների համաձայն՝ վերջին 24 ժամվա ընթացքում կորոնավիրուսով վարակվածների թիվն ավելացել է 1․512-ով՝ կազմելով 76․389: Նախորդ օրվա ցուցանիշով՝ վարակվածների թիվը 1․574 էր։
Նույն ժամանակահատվածում կորոնավիրուսից մահացել է 94 քաղաքացի։ Իրանում մահացած հիվանդների ընդհանուր թիվը կազմում է 4․777: Նախորդ օրվա ցուցանիշով՝ մահվան 98 դեպք էր արձանագրվել։
Ապաքինված հիվանդների թիվը կազմում է 49․933: Նախորդ օրվա ցուցանիշով ապաքինված հիվանդների թիվը կազմում էր 48․129:
Հայաստանի սահմանակից Արևելյան Ատրպատական նահանգում վիրուսի տարածմամբ պայմանավորված իրավիճակը վերահսկվում է։ Իրանի Զինված ուժերի մասնագետները մի սարք են ստեղծել, որի միջոցով հնարավոր կլինի մինչև 100 մետր շառավղով պարզել տեղանքում կորոնավիրուսի առկայությունը։
Հետևեք մեզ տելեգրամում
