Փետրվարի 24-ին Ռուսաստանի Դաշնության արտաքին գործերի նախարար Սերգեյ Լավրովն այցելեց Անկարա, որտեղ նրան ընդունեց Թուրքիայի նախագահ Ռեջեփ ԹայիփԷրդողանը և բանակցություններ վարեց Թուրքիայի արտգործնախարար Հաքան Ֆիդանի հետ։
Տեղի ունեցած հանդիպումների և զրույցների ընթացքում հաստատվել է Ռուսաստանի և Թուրքիայի հանձնառությունը՝ իրականացնելու նախկինում ձեռք բերված բարձր մակարդակի պայմանավորվածությունները:
Մանրամասն քննարկվել են նաև միջազգային օրակարգի ընթացիկ հարցեր։ Առանձնահատուկ ուշադրություն են դարձրել սիրիական կարգավորման խնդրին և պաղեստինաիսրայելական հակամարտության գոտում իրավիճակին։
Պայմանավորվածություն է ձեռք բերվել շարունակել աջակցել ռուս-թուրքական ակտիվ քաղաքական երկխոսությանը, այդ թվում՝ ուկրաինական ճգնաժամի և միջազգային հարաբերություններում փոխադարձ հետաքրքրություն ներկայացնող այլ թեմաների շուրջ։
Հետևեք մեզ տելեգրամում
