Տարածաշրջանային կոմունիկացիաների ապաշրջափակման վերաբերյալ Հայաստանի առաջարկին Ադրբեջանի կողմից պաշտոնական պատասխան դեռ չի ստացվել։
«Մենք մեր պաշտոնական առաջարկին, պաշտոնական պատասխան չենք ստացել։ Ադրբեջանական փորձագիտական, քաղաքական դաշտում այլ կարծիքներ էլ են հնչել, որ Հայաստանի կողմից առաջարկը պետք է ընդունել և դա լավ լուծում է։ Ես հիմա չեմ ուզում մտնել այդ շերտերի մեջ։ Ես արձանագրում եմ, որ մեր պաշտոնական առաջարկին պաշտոնական պատասխան չենք ստացել։ Երբ ստանանք այդ պաշտոնական պատասխանը, մենք ավելի կբացենք մեր առաջարկների էությունը երկու պատճառով՝ եթե Ադրբեջանն ընդունի, դա կնշանակի, որ պիտի արդեն գործնականացնենք, թղթին տանք, ստորագրենք։ Դա նշանակում է, որ արդեն համաձայնեցված է և կարող ենք արդեն ժողովրդին, մեր հանրությանը և լրատվամիջոցներին ավելի բաց ներկայացնել կամ եթե մերժված է, ապա այդ մերժման բերումով կարող ենք ավելի բաց ներկայացնել, թե ինչ առաջարկ էինք մենք անում»,-մանրամասնել է Փաշինյանը՝ հույս հայտնելով, որ առաջարկված լուծումն Ադրբեջանի կողմից կընդունվի»,-ասել է ՀՀ վարչապետը՝ անդրադառնալով այն դիտարկմանը, թե արդյոք Ադրբեջանը չի մերժում տարածաշրջանային կոմունիկացիաների ապաշրջափակման վերաբերյալ Հայաստանի առաջարկները, երբ արտգործնախարարության մակարդակով հայտարարել է, որ դրանք գործնական նշանակություն չունեն։
Փաշինյանը նշել է, որ Հայաստանն առաջարկել է տարածաշրջանային կոմունիկացիաների բացման հարցի լուծում և առաջարկված այդ բանաձևն առնվազն հասցեագրում է բանակցությունների ընթացքում բարձրաձայնված խնդիրները։
Հետևեք մեզ տելեգրամում
