Մարտի 1-ից Թուրքիան Իրանի միջոցով փոխանակման՝ սվոփ եղանակով գազ է ստանալու Թուրքմենստանից։ Դովլեթաբադ-Սերախս-Խանգիրան գազատարով Իրան եկող գազը թուրքական «ԲՈԹԱՇ» գազային օպերատորը ստանալու է սահմանին՝ Գյուրբուլաքում։ Մինչև տարեվերջ Թուրքիան նախատեսում է ստանալ 1․3 մլրդ խմ թուրքմենական գազ, որն ապահովելու է 1․5 միլիոն տան բնական գազի պահանջարկը։
Թուրքիայի էներգետիկայի և բնական ռեսուրսների նախարար Ալփարսլան Բայրաքթարը հայտարարել է, որ նախատեսում են 1 տարով կնքված պայմանագիրը երկարաձգել մինչև 5 տարի։
Նշենք, որ Թուրքան և Թուրքմենստանը բնական գազի մատակարարման շուրջ քննարկումներ են ունեցել 1998թ․-ից ի վեր։ Ռեջեփ Թայիփ Էրդողանը և Գուրբանգուլի Բերդիմուհամեդովն այդ հարցը վերջին անգամ քննարկել էին 2024թ․-ին Անթալիայի դիվանագիտական ֆորումի շրջանակում, ինչից հետո «ԲՈԹԱՇ»-ի և «Թուրքմենգազ»-ի միջև պայմանագիր էր կնքվել։
Հետևեք մեզ տելեգրամում
