Թուրք և բրիտանացի դիվանագետները Անկարայում խորհրդակցությունների ժամանակ կքննարկեն Սիրիայի նկատմամբ պատժամիջոցների վերացման հարցը։ Ինչպես ՏԱՍՍ-ին հայտնել է Թուրքիայի արտգործնախարարության աղբյուրը, այդ նպատակով երկուշաբթի օրը Թուրքիայի մայրաքաղաքում կհանդիպեն Թուրքիայի փոխարտգործնախարար Նուհ Յըլմազը և նրա բրիտանացի գործընկեր Համիշ Ֆալքոները։
«Սպասվում է, որ թուրքական կողմը այս խորհրդակցությունների ընթացքում կներկայացնի Թուրքիայի տեսակետներն ու ակնկալիքները՝ կապված Սիրիայում անվտանգության, կայունության և տնտեսական իրավիճակի հետ: Կհայտարարվի առանց նախապայմանների Սիրիայի նկատմամբ կիրառված պատժամիջոցների ամբողջական վերացման անհրաժեշտությունը: Դա անհրաժեշտ է Սիրիայի վերականգնման և տնտեսական զարգացման համար»,-նշել է աղբյուրը:
Բացի այս, Յըլմազն ու Ֆալքոները կքննարկեն Իսրայելի գործողությունները Սիրիայում։ «Ակնկալվում է, որ ուշադրությունը կկենտրոնանա Իսրայելի գործողությունները դադարեցնելու անհրաժեշտության վրա, որոնք բացահայտորեն խախտում և սպառնում են Սիրիայի ինքնիշխանությանը», – նշել է աղբյուրը։
Հետևեք մեզ տելեգրամում
