Իրանի բանակի օրվան նվիրված զորահանդեսը կորոնավիրուսի պատճառով չեղարկվել է։ Այս մասին հայտարարել է Իրանի նախագահ Հասան Ռոհանին՝ ապրիլի 15-ին կայացած կառավարության նիստի ժամանակ։
«Ամեն տարի այսպես է եղել․ ֆարվարդինի 29-ին (այս տարի համընկնում է ապրիլի 17-ին) անցկացվել է Իրանի օդային և ցամաքային զինված ուժերի ռազմական շքերթը: Այս տարի զորահանդեսի անցկացումը անհնար է՝ առողջապահության ոլորտում ստեղծված իրավիճակի պատճառով», -նշել է նա:
Ապրիլի վերջին Իրանում նշվում է բանակի օրը (երկրի զինված ուժերի մի մասի) և այդ առիթով զորահանդեսի անցկացումն ավանդույթ է։ Սակայն դա միակ օրը չէ, երբ Իրանի զինված ուժերը ցուցադրում են իրենց ձեռքբերումները. շքերթներ, որպես կանոն, տեղի են ունենում նաև օգոստոսի վերջին` երկրի ռազմարդյունաբերության օրվա առթիվ:
Նշենք, որ փետրվարի 19-ից մինչ օրս Իրանում գրանցվել է կորոնավիրուսով վարակման 74․877 դեպք, մահացել է 4․683 մարդ, առողջացել` 48․129-ը:
Հետևեք մեզ տելեգրամում
