Թուրքիայի նախագահ Ռեջեփ Թայիփ Էրդողանի ու Վրաստանի նախագահ Սալոմե Զուրաբիշվիլին հեռախոսազրույց են ունեցել, որի հիմնական թեման եղել է 2 երկրներում կորոնավիրուսով պայմանավորված իրավիճակը։
Զուրաբիշվիլին շնորհակալություն է հայտնել իր թուրք գործընկերոջը` նրա ակտիվ համագործակցության համար և կորոնավիրուսի տարածման պատճառով Թուրքիայից վրաց քաղաքացիների հայրենիք վերադառնալու հարցում աջակցության համար:
Զրույցի ժամանակ նշվել է, որ ճգնաժամային և հետճգնաժամային իրավիճակում շատ կարևոր են ինչպես առևտուրը և տրանսպորտային միջանցքները, այնպես էլ տրանսպորտային ցանցը, ներառյալ՝ Բաքու-Թբիլիսի-Կարս երկաթուղին:
Զուրաբիշվիլին ստեղծված ճգնաժամային իրավիճակում չափազանց կարևոր է համարել տարածաշրջանային համերաշխությունը և ավելացրել, որ Վրաստանը կշարունակի իր ակտիվ համագործակցությունը Թուրքիայի հետ:
Վրաստանի նախագահը նաև ցանկություն է հայտնել ճգնաժամի ավարտից հետո Թուրքիայի նախագահին պաշտոնական այցով տեսնել Վրաստանում ։
Հետևեք մեզ տելեգրամում
