Թուրքիայում ապրիլի 16-ի երեկոյան ամփոփված վերջին տվյալների դրությամբ կորոնավիրուսից մահացել է ևս 125 մարդ։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։
Նախարարը նշել է, որ 24 ժամվա ընթացքում իրականացված 40․427 թեստերի արդյունքում հաստատվել է կորոնավիրուսով վարակվելու 4․801 նոր դեպք։ Ապաքինվել է ևս 1415 մարդ։
Ընդհանուր առմամբ Թուրքիայում համավարակից ապաքինվել է 7․089 հիվանդ։ 1․854 հիվանդ գտնվում է վերակենդանացման բաժանմունքում։
Ըստ վերջին տվյալների, Թուրքիայում գրանցվել է կորոնավիրուսով վարակվելու 74․193 հաստատված դեպք և մահվան 1․643 դեպք։ Ընդհանուր առմամբ կատարված թեստավորումների թիվը հասել է 518․143-ի։
Հետևեք մեզ տելեգրամում
