Պաղեստինի արտաքին գործերի նախարարությունը դատապարտել է իսրայելական զորքերի հարձակումը Գազայի հատվածի կենտրոնական Դեյր ալ-Բալահ քաղաքում ՄԱԿ-ի կենտրոնակայանի վրա, որի հետևանքով զոհվել է մեկ աշխատակից և վիրավորվել հինգը։ Այս մասին հայտնում է WAFA պաղեստինյան լրատվական գործակալությունը։
«Իսրայելի հարձակումները Գազայի հատվածում գործող միջազգային կառույցների վրա կազմակերպված պետական ահաբեկչություն են, համակարգված, համատարած քաղաքականություն և հանցագործություններ, որոնք ուղղված են խաթարելու նրանց աշխատանքը: Իսրայելը պետք է պատասխանատվության ենթարկվի միջազգային իրավունքի համաձայն: Միջազգային հանրությունը պետք է ավելին անի, որպեսզի ճնշում գործադրի օկուպացիոն տերության վրա՝ դադարեցնելու իր ագրեսիան և ցեղասպանությունը մեր ժողովրդի դեմ, ինչպես նաև պաշտպանություն տրամադրի ՄԱԿ-ի անձնակազմին և մարդասիրական աշխատողներին»,-ասվում է Պաղեստինի ԱԳՆ հայտարարության մեջ:
ՄԱԿ-ի գլխավոր քարտուղարի հումանիտար հարցերով տեղակալ Թոմ Ֆլետչերը «վրդովեցուցիչ» է անվանել Գազայում ՄԱԿ-ի շենքերի վրա հարձակման ժամանակ ՄԱԿ-ի աշխատակցի սպանությունը և ևս հինգի վիրավորումը: Ֆլետչերն ասել է, որ հարվածները hստակ ուղղված են եղել Գազայում ՄԱԿ-ի համալիրին, և ՄԱԿ-ը «պատասխան» է պահանջում:
Հետևեք մեզ տելեգրամում
