Իրանը պատասխանել է Թրամփի նամակին

Իրանի արտաքին գործերի նախարար Աբբաս Արաղչին հայտնել է, որ Թեհրանն Օմանի միջոցով պատասխանել է Թրամփի նամակին։ Իրանի պատասխանը բաղկացած է երկու մասից։ Առաջինում ներկայացվել է ընթացիկ իրադրության վերաբերյալ Իրանի մոտեցումները, երկրորդում՝ Թրամփի նամակի վերաբերյալ մոտեցումները։

Արաղչին ընդգծել է, որ ճնշման պայմաններում Իրանը ուղիղ չի բանակցելու, բայց ոչ ուղիղ բանակությունները կարող են շարունակվել։

Պատասխանի բովանդակությունը չի բացահայտվում։

Հիշեցնենք, որ մարտի 7-ին Դոնալդ Թրամփն իր Truth Social սոցիալական ցանցում հայտարարեց, որ նամակ է ուղարկել Իրանի հոգևոր առաջնորդ Ալի Խամենեին՝ առաջարկելով քննարկել Իրանի միջուկային ծրագիրը։ Այնուհետ Խամենեին պատասխանել է, որ Իրանը երկխոսության չի գնա ԱՄՆ-ի հետ, քանի որ Վաշինգտոնն առաջնորդվում է բացառապես սեփական շահերով։