Իսրայելի մտահոգություն ունի, որ Սիրիայի կառավարությունը կարող է թույլ տալ Թուրքիային ռազմակայաններ հիմնել երկրի ներսում:
The Jerusalem post-ը գրում է, որ վերջին շաբաթների ընթացքում Իսրայելի քաղաքական-անվտանգության ղեկավարությունը մի քանի քննարկումներ է անցկացրել: Նրանք մտահոգություն ունեն Սիրիայում Թուրքիայի ավելի խորը ներգրավվածության հետ կապված, այդ թվում՝ Էրդողանի կառավարության կողմից այնտեղ ռազմաբազաներ հիմնելու հավանականությամբ։
Իսրայելում ընդհանուր մտահոգությունն այն է, որ Սիրիայի նախագահ Ահմադ ալ-Շարաան կփորձի խաթարել Իսրայելի գործողությունների ազատությունը երկրում:
«Եթե Սիրիայում թուրքական ավիաբազա ստեղծվի, դա կխաթարի Իսրայելի գործունեության ազատությունը»,-մարտի 31-ին լրագրողներին ասել է Իսրայելի անվտանգության աղբյուրը՝ հավելելով, որ դա պոտենցիալ սպառնալիք է, որին իրենք դեմ են:
«Մենք վերջերս թիրախավորել ենք ռազմական T4 բազան՝ ուղերձ հղելու համար, որ թույլ չենք տա վնաս հասցնել մեր օդային գործունեության ազատությանը»,- ասել է անվտանգության աղբյուրը։
Անդրադառնալով անձամբ Սիրիայի առաջնորդին, թե արդյոք նա մեկն է, ում հետ հնարավոր կլինի երկխոսություն հաստատել, անվտանգության աղբյուրը պարզաբանել է.
«Նա դասական իսլամիստ է: Նա և՛ կարճաժամկետ, և՛ երկարաժամկետ նպատակներ ունի: Նրա երկարաժամկետ նպատակները չեն փոխվել, նա մեր թշնամին է: Նա աշխատում է Սիրիայի նկատմամբ պատժամիջոցները չեղարկելու ուղղությամբ, և Էրդողանը նույնպես միջնորդում է այդ հարցում: Առանց պատժամիջոցների վերացման՝ նա կարժանանա նույն ճակատագրին, ինչ Ասադը»:
Հետևեք մեզ տելեգրամում
