Հայաստանում ապրիլի 20-ի դրությամբ կորոնավիրուսով վարակի դեպքերի թիվը հասել է 1.339-ի՝ նախորդ օրվա համեմատ ավելանալով 48-ով: Նույն ժամանակահատվածում մահվան ևս 2 դեպք է գրանցվել, ընդհանուր՝ 22։ Այդ մասին տեղեկացնում է ՀՀ ԱՆ Հիվանդությունների վերահսկման և կանխարգելման ազգայն կենտրոնը։
«Մահացածները եղել են 62 և 90 տարեկան։ Նրանք երկուսն էլ ունեցել են ուղեկցող խրոնիկական հիվանդություններ», – տեղեկացնում են ԱՆ-ից՝ նշելով, որ երկու պացիենտն էլ տղամարդ էին։
Առողջացել է 35 մարդ։ Ապաքինվածների ընդհանուր թիվը 580 է։ Ընդհանուր առմամբ, թեստավորվել է 13․373 մարդ։
Նշենք, որ ՀՀ-ում մարտի 16-ից գործող արտակարգ դրությունը, որը հայտարարվել է կորոնավիրուսի տարածումը կանխելու համար, երկարացվել է մինչև մայիսի 14-ը: Մարտի 25-ից երկրում գործում է քաղաքացիների տեղաշարժի սահմանափակում։
Հետևեք մեզ տելեգրամում
