Թուրքիայի արտաքին գործերի նախարարությունն Իսրայելին կոչ է արել չխաթարել Սիրիայում կայունություն հաստատելու ջանքերը։
«Պետք է հարցնել, թե ինչու է Իսրայելը անհանգստացած Սիրիայում և Լիբանանում տեղի ունեցող զարգացումներից, որոնք մեծ հույսեր են ազդարարում մեր տարածաշրջանում խաղաղության, կայունության և բարգավաճման համար և վայելում են ողջ աշխարհի աջակցությունը»:
Հայտարարության մեջ նշվում է, որ Իսրայելը դարձել է տարածաշրջանի անվտանգության ամենամեծ սպառնալիքը՝ տարածաշրջանի երկրների տարածքային ամբողջականության և ազգային միասնության դեմ իր հարձակումների պատճառով:
Հայտարարության մեջ նախարարությունը Իսրայելին կոչ է արել դադարեցնել իր էքսպանսիոնիստական քաղաքականությունը և դուրս գալ զբաղեցրած տարածքներից՝ տարածաշրջանում անվտանգություն հաստատելու համար՝ նշելով, որ Իսրայելի քաղաքականությունը նպաստում է տարածաշրջանում քաոսի առաջացմանը, ահաբեկչության խթանմանը և ռազմավարական կայունության խաթարմանը։
Հետևեք մեզ տելեգրամում
