Պատերազմի դեպքում կտուժեն ԱՄՆ-ն, Իսրայելը և նրանց դաշնակիցները. իրանցի պատգամավոր

Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Աբոլֆազլ Զահրավանդը ILNA լրատվական գործակալությանը տված հարցազրույցում անդրադարձել է Իրանի ու ԱՄՆ-ի միջև աճող լարվածությանը։

Զահրավանդը նշել է, որ եթե ԱՄՆ-ը շարունակի Իրանի նկատմամբ սպառնալից և ստորացնող մոտեցումը՝ պատերազմական սպառնալիքներով, Իրանը չի հնազանդվի, այլ կպատասխանի ուժով։ Նա ընդգծել է, որ Թրամփի քաղաքականությունը չի հաջողելու, իսկ պատերազմի դեպքում կտուժեն հենց ԱՄՆ-ն, Իսրայելը և նրանց դաշնակիցները։

Պատգամավորի կարծիքով՝ նույնիսկ սահմանափակ բախման դեպքում դժվար է կանխատեսել, թե ինչ հետևանքներ կարող են լինել տարածաշրջանի և ամբողջ աշխարհի համար։ Զահրավանդը շեշտել է, որ Իրանը չի հրաժարվում բանակցություններից, բայց չի էլ պատրաստվում ընդունել պարտադրանք։