Իսրայելի ՊՆ ղեկավարը հայտնել է «ՀԱՄԱՍ»-ի և Իրանի միջև ուղիղ կապերի մասին

Իսրայելի պաշտպանության նախարար Իսրայել Կացը պաղեստինյան «ՀԱՄԱՍ» ​​շարժման ղեկավարությանը մեղադրել է Իրանի հետ անմիջական կապեր ունենալու մեջ:

«Իսրայելի պաշտպանության բանակի հետախուզական ստորաբաժանումն ինձ ներկայացրեց Գազայի հատվածում «ՀԱՄԱՍ»-ի առաջնորդների թունելներում հայտնաբերված գաղտնի փաստաթուղթը, որն ապացուցում է Իրանի և «ՀԱՄԱՍ»-ի առաջնորդների անմիջական կապերը, ինչպես նաև Իրանի աջակցությունը Իսրայելը ոչնչացնելու «ՀԱՄԱՍ»-ի ծրագրին և 2023 թվականի հոկտեմբերի 7-ի հարձակմանը»,-ասել է Կացը, ում հայտարարությունները տարածել է Իսրայելի ՊՆ մամուլի ծառայությունը:

«Այս փաստաթղթում «ՀԱՄԱՍ»-ը պահանջում է 500 միլիոն դոլար Իսլամական հեղափոխության պահապանների կորպուսի ուժից (ԻՀՊԿ) Իսրայելի ոչնչացումը ֆինանսավորելու համար»,-հայտարարել է Իսրայելի պաշտպանության նախարարը։

Կացի խոսքով, «եզրակացությունն ակնհայտ է»՝ «Իրանն օձի գլուխն է»։ Նա նաև նշել է, որ «Իսրայելը կանի հնարավոր ամեն բան, որպեսզի Իրանը միջուկային զենք չստանա», ինչպես նաև «կշարունակի հարվածներ հասցնել իր ահաբեկիչների օբյեկտներին այնքան ժամանակ, քանի դեռ չի ոչնչացվել իրանական չարիքի առանցքը»։