ԱՄՆ նախագահ Դոնալդ Թրամփը ապրիլի 19-ին հայտարարել է, որ ԱՄՆ-ը Իրանին «կորոնավիրուսային օգնություն» կտրամադրի, ինչպիսիք են օրինակ թոքերի արհեստական օդափոխրիչները, «եթե նրանք խնդրեն»:
«Եթե Իրանը օգնության կարիք ունի, ես պատրաստ կլինեի ինչ-որ բան անել, եթե նրանք ցանկանան, եթե նրանք խնդրեն դա»,- ասել է Թրամփը։
Թրամփը նաև նշել է, որ Իրանը շատ է տուժել, սակայն կասկած է հայտնել, որ ներկայացված թվերը ճիշտ են։
«Երկրի հաղորդված թվերը, ակնհայտորեն,… ճիշտ թվեր չէին»,- ասել է Թրամփը։
Նա նաև առաջարկել է, որ Իրանի առաջնորդները «խելացի լինեն և գործարք կնքեն ԱՄՆ-ի հետ»
Հոփկինսի համալսարանի տվյալների համաձայն, Իրանը հայտնել է երկրում հաստատված կորոնավիրուսի 82.211 դեպքի մասին, ինչը հանգեցրել է 5․118 մահվան:
Նշենք, որ մարտին, Իրանը հրաժարվել էր ԱՄՆ-ի մարդասիրական օգնության առաջարկից, ասելով, որ եթե երկիրը ցանկանա օգնել, ապա կվերացնի պատժամիջոցներն Իրանի դեմ:
Հետևեք մեզ տելեգրամում
