ԱՄՆ-ն ինքը բժշկական սարքավորումների և մարդասիրական օգնության կարիք ունի, մինչդեռ նախագահ Թրամփն առաջարկում է թոքերի արհեստական օդափոխման սարքեր մատակարարել Իրան։ Այս մասին հայտարարել է Իրանի Իսլամական Հանրապետության արտաքին գործերի նախարարության պաշտոնական ներկայացուցիչ Աբաս Մուսավին՝ արձագանքելով Թրամփի հայտարարությանը։
«Իրենք ունեն բժշկական սարքավորումների և օգնության կարիք: Թրամփին չի հաջողվի օգտվել ստեղծված իրավիճակից», – ասել է Մուսավին:
Պաշտոնյան ավելացրել է, որ Թրամփը փորձում է շահարկել համաճարակի հետ կապված իրավիճակը, և Իրանը չի բանակցելու, «քանի դեռ Միացյալ Նահանգները չեն դադարեցրել տնտեսական ահաբեկչությունը»:
Նշենք, որ ԱՄՆ նախագահ Դոնալդ Թրամփը ապրիլի 19-ին հայտարարել էր, որ Միացյալ Նահանգները պատրաստ է Իրանին տրամադրել թոքերի արհեստական օդափոխման սարքեր, որոնք կօգնեն պայքարել COVID-19 համաճարակի տարածման դեմ, եթե նրանք խնդրեն։
Հետևեք մեզ տելեգրամում
