Իսրայելի վարչապետ Բենիամին Նեթանյահուն ապրիլի 10-ի երեկոյան X-ի գրառմամբ դատապարտել է կանադացի գործընկերոջ «անպատասխանատու» պնդումը, որ Իսրայելը «Գազայում ցեղասպանություն» է իրականացնում։
Երեքշաբթի երեկոյան հանրահավաքի ժամանակ Լիբերալների առաջնորդ Մարկ Քարնիին ընդհատել էր պաղեստինամետ ցուցարարը, ով բղավել էր, որ «Գազայում ցեղասպանություն է տեղի ունենում»:
Քարնին պատասխանել է. «Ես տեղյակ եմ, դրա համար էլ մենք զենքի էմբարգո ունենք»։
«Կանադան միշտ եղել է քաղաքակրթության կողքին: Նույնը պետք է անի պարոն Քարնին: Բայց Իսրայելին, ժողովրդավարությանն աջակցելու փոխարեն, որը արդարացիորեն պատերազմ է մղում «ՀԱՄԱՍ»-ի բարբարոսների դեմ, նա հարձակվում է միակ և եզակի հրեական պետության վրա: Պարոն Քարնի, հե՛տ կանգնեք ձեր անպատասխանատու հայտարարությունից»,-X-ում գրել է Նեթանյահուն։
Քարնին ավելի ուշ հետ է կանգնել իր հայտարարություններից՝ պնդելով, որ ինքը չի լսել, թե ինչպես է նա ասում «ցեղասպանություն»։
«Դուք այնտեղ էիք, ենթադրում եմ, աղմկոտ էր, հասկանում եք․․․եթե դուք այնտեղ եք, դուք լսում եք հատվածներ, թե ինչ են ասում մարդիկ»,-ապրիլի 9-ին կայացած մամուլի ասուլիսի ժամանակ ասել է նա։
«Ես լսեցի «Գազա» և դա, իմ միտքն այն էր, որ ես տեղյակ եմ Գազայում տիրող իրավիճակին»,-պարզաբանել է Կանադայի վարչապետը։
Հետևեք մեզ տելեգրամում
