Ապրիլի 14-ին հազարավոր մարդիկ բողոքի ցույցերի էին դուրս եկել ամբողջ Թուրքիայում՝ Իսրայելի կողմից Գազայի վրա հարձակումներին արձագանքելու համար։ Ինչպես հաղորդում է Anadolu գործակալությունը, բազմաթիվ քաղաքներում ցուցարարներն արտահայտել են իրենց աջակցությունը Պաղեստինին՝ «Գազան մեռնում է, վեր կաց» կարգախոսով։
Ստամբուլում, Բեյազիթի հրապարակում, IHH Humanitarian Relief Foundation-ի նախաձեռնությամբ կազմակերպված երթի մասնակիցները վանկարկում էին «Մարդասպան Իսրայել, հեռացիր Պաղեստինից» և ծածանում էին Թուրքիայի ու Պաղեստինի դրոշները։
Անկարայում պաղեստինցիներին աջակցող կազմակերպությունների ներկայացուցիչները բողոքի ցույց են իրականացրել ԱՄՆ դեսպանատան դիմաց՝ «Երեխասպան Իսրայել» և «Մարդիկ մահանում են Գազայում» պաստառներով։
Հիշեցնենք, որ Գազայի վրա Իսրայելի հարձակումը շարունակվում է 2023 թ. հոկտեմբերի 7-ից՝ պաղեստինյան ՀԱՄԱՍ խմբավորման հարձակմանն ի պատասխան, որի հետևանքով տարածաշրջանում առաջացել է լրջագույն հումանիտար ճգնաժամ, արձանագրվել են տասնյակ հազարավոր զոհեր, հիմնովին ավերվել են տարածաշրջանի ենթակառուցվածքները։
Հետևեք մեզ տելեգրամում
