Արաբական Միացյալ Էմիրությունները (ԱՄԷ) նախատեսում է դառնալ աշխարհում առաջին երկիրը, որը կօգտագործի արհեստական բանականությունը (AI)՝ նոր օրենսդրության մշակման, ինչպես նաև առկա օրենսդրության վերանայման և փոփոխության համար:
«Արհեստական բանականության վրա աշխատող նոր օրենսդրական համակարգը կփոխի այն, թե ինչպես ենք մենք օրենքներ ստեղծում՝ գործընթացը դարձնելով ավելի արագ և ճշգրիտ»,-մեջբերում է Financial Times (FT) թերթը երկրի վարչապետ Մուհամմեդ բեն Ռաշիդ Ալ Մաքթումի խոսքերը։
Կառավարությունն ակնկալում է, որ արհեստական բանականությունը, որը «պարբերաբար կառաջարկի օրենսդրության թարմացումներ», 70%-ով արագացնի օրենսդրության ընդունումը: ԱՄԷ-ն նախատեսում է օգտագործել տեխնոլոգիան՝ «հետևելու, թե ինչպես են օրենքները ազդում երկրի բնակչության և տնտեսության վրա»՝ ստեղծելով դաշնային և տեղական օրենքների, դատական որոշումների և պետական ծառայությունների զանգվածային տվյալների բազա:
Հետևեք մեզ տելեգրամում
