Ստամբուլում մեկնարկել են Ռուսաստանի և Թուրքիայի միջև բանակցությունները

Ստամբուլում մեկնարկել են Մերձավոր Արևելքի իրավիճակի շուրջ ռուս-թուրքական բանակցությունները։

Թուրքական պատվիրակությունը գլխավորում է փոխարտգործնախարար Նուհ Յիլմազը, իսկ Ռուսաստանը ներկայացնում է փոխարտգործնախարար Միխայիլ Բոգդանովը։ Խորհրդակցություններն անցկացվում են փակ ձևաչափով։

Հանդիպման ընթացքում կքննարկվեն տարածաշրջանային խնդիրները, այդ թվում Սիրիան և Գազան։ Թուրքիայի ԱԳՆ-ից նշել են, որ Ռուսաստանն այն երկիրն է, որի հետ խորհրդակցություններին մեծ նշանակություն են տալիս Մերձավոր Արևելքում տեղի ունեցող իրադարձությունների համատեքստում։