Թուրքական և բրիտանական ավիաընկերությունները հրաժարվել են վերսկսել չվերթները դեպի Իսրայել

Բրիտանական Virgin Atlantic ավիաընկերությունն ապրիլի 28-ին պաշտոնապես հայտարարեց, որ այլևս չի գործելու Իսրայելում և ընդմիշտ կփակի Լոնդոն-Թել Ավիվ երթուղին։

Բացի այդ, երկու խոշոր թուրքական ավիափոխադրողներ՝ Turkish Airlines-ը և Pegasus-ը, հայտարարեցին, որ հրաժարվում են Բեն Գուրիոն օդանավակայանի իրենց չվացուցակից։ Սա նշանակում է, որ նրանք մոտ ապագայում չեն պլանավորում վերադառնալ Իսրայել։ Այս երկու ընկերությունները դադարեցրել են դեպի Իսրայել չվերթները 2023 թվականի հոկտեմբերի 7-ից՝ պատերազմը սկսվելուց ի վեր: Կասեցման ընթացքում Turkish-ը և Pegasus-ը պահպանել էին իրենց հատկացված տեղերը Բեն Գուրիոնում, այսինքն Իսրայել թռիչքները արագ վերսկսելու հնարավորություն կար: