Սիրիայի իշխանությունները աջակցում են պաղեստինցիներին և պահանջում են անհապաղ հրադադար Գազայի հատվածում։ Այս մասին երեքշաբթի օրը հայտարարել է Սիրիայի անցումային կառավարության արտաքին գործերի նախարար Ասադ Ալ-Շայբանիին՝ Նյու Յորքում ելույթ ունենալով ՄԱԿ-ի Գլխավոր ասամբլեայի անդամների առջև։
«Մենք աջակցում ենք Գազայի հատվածի պաղեստինցի ժողովրդին։ Մենք պահանջում ենք անհապաղ հրադադար Գազայի հատվածում և մարդասիրական օգնության անարգել մուտք»,- նշել է արտգործնախարարը։
Ալ-Շայբանիին նաև ընդգծել է, որ «սիրիացի ժողովրդին մտահոգում է Իսրայելի սպառնալիքները»։
«Մեր ազգային ջանքերը իրական սպառնալիքի տակ են Իսրայելի կողմից մեր օդային տարածքի և տարածքային ամբողջականության շարունակական խախտումների պատճառով։ Մեր ինքնիշխանությունը խախտող հարձակումները խաթարում են Սիրիայի կայունությունը։ Մեր երկրի անվտանգությունը անբաժանելի է մեր հարևանների անվտանգությունից և կայունությունից։ Մենք մերժում ենք խաղաղությանը սպառնացող ցանկացած քաղաքականություն։ Մենք չենք լինի այն կողմը, որը խաթարում է տարածաշրջանի որևէ երկրի, այդ թվում՝ Իսրայելի, կայունությունը»,-հավելել է նախարարը՝ շեշտելով, որ Գոլանի բարձունքները մնում են օկուպացված տարածք, ինչը ՄԱԿ-ի կանոնադրության կոպիտ խախտում է։
Հետևեք մեզ տելեգրամում
