Թուրքիայում ապրիլի 21-ի երեկոյան ամփոփված վերջին տվյալների դրությամբ կորոնավիրուսից մահացել է ևս 119 մարդ։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։
Նախարարը նշել է, որ 24 ժամվա ընթացքում իրականացված 39․429 թեստերի արդյունքում հաստատվել է կորոնավիրուսով վարակվելու 4․611 նոր դեպք։ Ապաքինվել է ևս 1488 մարդ։
Ընդհանուր առմամբ Թուրքիայում համավարակից ապաքինվել է 14․918 հիվանդ։ 1․865 հիվանդ գտնվում է վերակենդանացման բաժանմունքում։
Ըստ վերջին տվյալների, Թուրքիայում գրանցվել է կորոնավիրուսով վարակվելու 95․591 հաստատված դեպք և մահվան 2․259 դեպք։ Ընդհանուր առմամբ կատարված թեստավորումների թիվը հասել է 713․409-ի։
Հետևեք մեզ տելեգրամում
