Իսրայելի բանակի ռազմական գործողության ընդլայնումը Գազայի հատվածում կարող է հանգեցնել պաղեստինյան անկլավից 1.4-1.8 միլիոն բնակիչների արտագաղթի։ Այս մասին հաղորդում է էմիրաթական The National թերթը՝ հղում անելով իր աղբյուրներին։
Ավելի վաղ իսրայելական Ynet պորտալը հայտնել էր, որ Իսրայելի ռազմաքաղաքական կաբինետը երկուշաբթի գիշերը հաստատել է Գազայի հատվածում ռազմական գործողությունների ընդլայնման ծրագրերը, որը կներառի Գազայի հատվածի օկուպացիան և տարածքը պահելը, անկլավի բնակչությանը պաշտպանելու համար հարավ տեղափոխելը:
«National»-ի աղբյուրները նշում են, որ անվտանգության գոտին կլինի 50-ից 70 քառակուսի կմ տարածք՝ Գազա-Եգիպտոս սահմանին։ Իսրայելի ղեկավարությունը, իբր, պլանավորում է դիտավորյալ ստեղծել անտանելի պայմաններ տարածքում՝ այնպես, որ 2.3 մլն բնակիչներից մինչև 1.8 մլն-ին ստիպի լքել անկլավը և արտագաղթել։ Այս դեպքում Գազայում պետք է մնան ընդամենը 500,000-ից 900,000 պաղեստինցի։
«Կլինեն վրաններ, պարզունակ բժշկական կլինիկաներ և դպրոցներ, որոնք բոլորը կլինեն իսրայելական զինվորականների խիստ հսկողության տակ: Օգնության մատակարարումները կլինեն նվազագույն, քանի որ ենթադրվում է, որ պաղեստինցիների համար այնտեղ ապրելը այնքան դժվար կլինի, որ նրանցից շատերը կցանկանան հեռանալ»,-թերթին ասել է աղբյուրներից մեկը:
Հետևեք մեզ տելեգրամում
