Թուրքիայի նախագահ Ռեջեփ Թայիփ Էրդողանը հայտարարել է, որ չի պատրաստվում առաջադրվել ևս մեկ ժամկետով՝ միաժամանակ ընդգծելով երկրի համար նոր սահմանադրության անհրաժեշտությունը։
«Մենք միայն մտահոգված ենք նրանով, թե ինչպես կարող ենք բարելավել մեր երկրի հեղինակությունը։ Թուրքիան փոխվում է, աշխարհը փոխվում է։ Մենք ապրում ենք նոր դարաշրջանում։ Այսքան արագ փոփոխվող աշխարհում հնարավո՞ր է ինչ–որ բանի հասնել այնպիսի սահմանադրությամբ, որը ստեղծվել է հին Թուրքիայում հեղաշրջման պայմաններում և որը դեռևս պահպանում է հեղաշրջման մտածելակերպը։ Թուրքիան այլևս չի կարող շարժվել դեպի ապագա այդ սահմանադրությամբ։ Հիմա մեզ անհրաժեշտ է քաղաքացիական անձանց, այլ ոչ թե դավադիրների կողմից առաջարկված սահմանադրություն», – նշել է Էրդողանը:
«Չեմ պատրաստվում վերընտրվել կամ կրկին առաջադրել իմ թեկնածությունը». Էրդողան
Հետևեք մեզ տելեգրամումՎերջին լուրեր
