Թուրքիայի արտգործնախարար Հաքան Ֆիդանը ՌԴ արտգործնախարար Սերգեյ Լավրովի հրավերով մայիսի 26-27-ին լինելու է ՌԴ-ում։ Նրան ընդունելու է ՌԴ նախագահ Վլադիմիր Պուտինը։
Ֆիդանը հանդիպումներ է ունենալու նաև մայիսի 16-ին Ստամբուլում կայացած ՌԴ-Ուկրաինա բանակցություններում ռուսական պատվիրակության ղեկավար, փոխնախագահ Վ․ Մեդինսկիի և Պնախարար Ա․ Բելոուսովի, այլ բարձրաստիճան պաշտոնյաների հետ։
Թուրքիայի ԱԳՆ-ի աղբյուրների համաձայն՝ հանդիպումներում քննարկվելու են Թուրքիայի և ՌԴ-ի երկկողմ հարաբերությունները՝ առևտրի, էներգետիկայի, տուրիզմի և համագործակցության մյուս ոլորտներում։
Ըստ թուրքական աղբյուրների Ֆիդանը Մոսկվայում վերահաստատելու է Թուրքիայի պատրաստակամությունն անել այն ամենը, ինչ պահանջվում է իր միջնորդաան դերակատարության շրջանակում կողմերի բանակցություններում, ինչպես ավելի վաղ 2022-ին և մայիսի 16-ին է արել։ Նախատեսվում է, որ մտքեր են փոխանակվելու տարածաշրջանային և միջազգային հարցերի շուրջ՝ ներառյալ Սիրիան, Գազան և Հրվ․ Կովկասը։
Հիշեցնենք, որ Ֆիդանը ՌԴ վերջին այցը կատարել է 2024թ․ հունիսի 10-11-ին՝ BRICS+-ի հավաքին մասնակցելու համար։ Այունհետև Էրդողնին ուղեկցել է 2024թ․ հոկտեմբերի 24-ին BRICS գագաթնաժողովում։ Լավրով-Ֆիդան վերջին հանդիպումը կայացել է ապրիլի 12-ին Անթալիայի դիվանագիտական ֆորումի շրջանակում, իսկ ավելի վաղ նրանք հանդիպել են փետրվարի 23-ին՝ Լավրովի՝ Թուրքիա այցի ժամանակ։
Հետևեք մեզ տելեգրամում
