Վրացական ընդդիմության ներկայացուցիչները մեկնում են արտասահման՝ հրահանգներ ստանալու, ապա դրանք երկրի ներսում կատարելու համար։ Այս մասին լրագրողներին հայտարարել է Վրաստանի վարչապետ Իրակլի Կոբախիձեն։
«Ընդդիմության ներկայացուցիչները մեկնում են հրահանգներ ստանալու, նրանք նույնիսկ սեփական կարծիք չունեն, նրանք սովորական գործակալներ են։ Նրանք մեկնում են տարբեր արտասահմանյան գրասենյակներ՝ հրահանգներ, հանձնարարություններ ստանալու, ապա դրանք կատարելու»,-ասել է Կոբախիձեն՝ ընդգծելով, որ դա ունի դրական կողմ, քանի որ արտասահմանից եկող հրահանգների շնորհիվ վրացական ընդդիմությունն ամբողջությամբ ոչնչացնում է ինքն իրեն։
«Դրսից նրանք ստանում են այնպիսի հանձնարարություններ, որոնք կրկին հանգեցնում են ընդդիմության կործանմանը։ Թող մասնակցեն նման հանդիպումների, ստանան հրահանգներ, հանձնարարություններ։ Մենք արդեն տեսել ենք, թե որքան հեռու են նրանք խորտակվել, և ապագայում կտեսնենք, թե որքան հեռու կգնան»,-ավելացրել է Վրաստանի կառավարության ղեկավարը։
Հետևեք մեզ տելեգրամում
