Հրադադարի և խաղաղության Ռուսաստանի պայմանները վերջնագրեր են և չեն կարող լրջորեն քննարկվել Ուկրաինայի կողմից: Այս մասին Լիտվայի արտգործնախարար Կեստուտիս Բուդրիսի հետ ճեպազրույցում հայտարարել է Ուկրաինայի ԱԳ նախարար Անդրեյ Սիբիգան։
Նրա խոսքով՝ աշխարհը և հատկապես «մի քանի մայրաքաղաքներ» պետք է հստակ հասկանան, որ Ուկրաինան չի պարտվի պատերազմում, իսկ Ռուսաստանը չի հաղթի։
Սիբիգան Ռուսաստանին մեղադրել է խաղաղ գործընթացն արգելափակելու մեջ։ Նա նշել է, որ Մոսկվան չի արձագանքել հրադադարի մասին Ուկրաինայի առաջարկներին, որոնք փոխանցվել են Ստամբուլում բանակցությունների երկրորդ փուլից առաջ։
«Նրանք Ստամբուլում սեղանին գցեցին դիվանագիտության համար ոչ պիտանի վերջնագրերի ցուցակը: Սա ևս մեկ անգամ ցույց է տալիս, որ ճնշումը պետք է մեծացվի Ռուսաստանի և բոլոր նրանց վրա, ովքեր օգնում են նրան այս պատերազմը վարել»,- ասել է Ուկրաինայի ԱԳ նախարարը:
Հետևեք մեզ տելեգրամում
