Ինդոնեզիան պատրաստվում է Թուրքիայից գնել նոր սերնդի կործանիչներ

Ինդոնեզիան պատրաստվում է գնել թուրքական արտադրության KAAN տեսակի 48 միավոր կործանիչ: Գործարքի արժեքը կկազմի մոտ 10 միլիարդ դոլար:

Սա կլինի KAAN հինգերորդ սերնդի կործանիչների առաջին արտահանումը: Ինչպես հայտնի է, կործանիչների արտադրությամբ զբաղվել է Turkish Aerospace Industries (TAI)-ը:

Ըստ թուրքական ԶԼՄ-ների՝ առաջին անգամ KAAN-ները վաճառվում են այլ երկրի, սա Թուրքիայի պատմության մեջ ամենախոշոր պաշտպանական գործարքներից մեկն է:

Թուրք լրագրող Հաքան Չելիքի խոսքերով՝ գործարքը պաշտոնապես կկնքվի Ջակարտայում Indo Defense 2025 ցուցահանդեսի ժամանակ։