Թուրքիայի ՊՆ-ի ղեկավարը հանդիպել է Իրանի ՑՈւ հրամանատարի հետ

Ինդոնեզիայում ռազմական ցուցահանդեսի շրջանակներում Իրանի բանակի ցամաքային ուժերի հրամանատար Քիոմարս Հեյդարին հանդիպել է Թուրքիայի պաշտպանության նախարար Յաշար Գյուլերի հետ։

Կողմերն ընդգծել են տարածաշրջանում առանց օտարների ներկայության կայուն անվտանգություն հաստատելու անհրաժեշտությունը։ Ընդգծելով տարածաշրջանում ԻԻՀ աշխարհաքաղաքական դիրքի կարևորությունը և անկախ երկրների կողմից կայուն անվտանգություն ստեղծելու անհրաժեշտությունը՝ Հեյդարին թուրք նախարարին հրավիրել է այցելել Թեհրան։