Իսրայելի «Arrow» հակահրթիռների պաշարները, որոնք անհրաժեշտ են իրանական բալիստիկ հրթիռային հարվածներից պաշտպանվելու համար, սպառվում են հակամարտության խորացմանը զուգընթաց և կարող ենվերջանալ «մոտ ապագայում», հաղորդում է The Wall Street Journal-ը (WSJ)՝ հղում անելով ԱՄՆ պաշտպանության նախարարության աղբյուրներին։
Իսրայելի և ԱՄՆ-ի համատեղ արտադրած «Arrow» համակարգերը բալիստիկ հրթիռները կասեցնելու հիմնական միջոցներից մեկն են։ Եթե նրանց պաշարները սպառվեն, Իսրայելի՝ իրանական հարձակումները հետ մղելու կարողությունը զգալիորեն կխաթարվի։
Հրատարակության տվյալներով՝ Իսրայելի պաշտպանության ուժերի (IDF) ղեկավարությունը շատ մտահոգված է այս հարցով՝ հաշվի առնելով իրանական կողմից հրետակոծության ինտենսիվությունը։
Թերթը նշում է, որ ԱՄՆ-ն գարնանը օգնություն է ցուցաբերել հրեական պետությանը՝ մատակարարելով լրացուցիչ հակահրթիռային և հակաօդային պաշտպանության համակարգեր։ Սակայն, եթե ռազմական գործողությունները շարունակվեն, Arrow-ի պաշարների սպառումը անխուսափելի կլինի, քանի որ անհնար է երկար ժամանակ ամեն օր հետ մղել բալիստիկ հրթիռային հարձակումները։ Այս տեսանկյունից IDF-ն պետք է արագացնի իր սեփական գործողությունները։ Իսրայելի բանակի մամուլի ծառայությունը WSJ-ին հայտնել է, որ նրանք պատրաստվում են ցանկացած զարգացման, բայց չեն կարող մեկնաբանել զինամթերքի հետ կապված իրավիճակը։
Հետևեք մեզ տելեգրամում
