Իրանի խորհրդարանի նախագահ Մոհամմադ Բաղեր Ղալիբաֆը հայտարարել է, որ Իրանի ատոմային էներգիայի կազմակերպությունը կասեցնում է համագործակցությունը Ատոմային էներգիայի միջազգային գործակալության (ՄԱԳԱՏԷ) հետ՝ մինչև միջուկային օբյեկտների անվտանգությունը լիովին երաշխավորված լինի։
Նա հավելել է, որ Իրանի խաղաղ միջուկային ծրագիրը այժմ ավելի մեծ արագությամբ կշարժվի առաջ։
«ԱՄՆ-ը, տեսնելով Իրանի ժողովրդի տոկունությունը, փորձեց իրավիճակից դուրս գալ՝ ցուցադրական հարձակմամբ։ Եվ սա այն դեպքում, երբ Իրանը, զսպվածության դրսևորումով, դեռ չի կիրառել իր բոլոր հնարավորությունները, այդ թվում՝ «ազդեցությունը համաշխարհային էներգետիկ շուկայի վրա»»,-ավելացրել է Ղալիբաֆը։
Հետևեք մեզ տելեգրամում
